Nasa Asya-Pasipiko ang mahigit kalahati sa populasyon ng mga urban poor sa buong mundo.
Ito’y batay sa pag-aaral ng United Nations Economic and Social Commission for Asia and the Pacific, Asian Development Bank, at UN Development Programme, kung saan naitala ang 62% ng kabuuang bilang ng mga mahihirap sa mga urbanised area noong 2022, o katumbas ng halos 700 milyon katao.
Ayon sa pag-aaral, mabilis na urbanisasyon, kakulangan sa urban planning, mahinang pamamahala, mga isyu sa klima, at kakulangan sa abot-kayang pabahay ang ilan sa mga pangunahing dahilan ng patuloy na pag-lobo ng mga mahihirap sa mga lungsod.
Isinaad din umano ng pag-aaral na, pagdating sa mga urban poor ng Pilipinas, nasa 30% lamang ang may bank account noong 2022, na mas mababa kaysa naitalang 43.5% ng mga mahihirap sa mga non-slum communities.
Mababa rin ang access ng mga urban poor sa malinis na langis, kuryente, at basic sanitation kumpara sa mga mahihirap sa kanayunan.
