Kinumpirma ni Ombudsman Jesus Crispin Remulla na malapit nang ihain ang kasong plunder laban sa mag-inang Senador Loren Legarda at Batangas First District Representative Leandro Leviste.
Inakusahan ng mga imbestigador ng Ombudsman ang dalawang mambabatas ng pakikipagsabwatan upang makuha ang eksklusibong karapatan ng pamahalaan sa solar energy resources ng bansa sa pamamagitan ng legislative at regulatory actions.
Ayon sa ahensya, ang umano’y sabwatan nito ay nagdulot sa mahigit 10-point-4 billion pesos ang hindi nabayarang obligasyong pinansyal sa pamahalaan.
Una rito, sinabi ni Atty. Tony La Viña, ang tagapagsalita ni Senador Legarda, na naisumite na nila ang kanilang counter-affidavit bilang tugon sa mga alegasyon at tinawag din niya ang naturang kaso na isang anyo ng “political persecution”.
Gayunman, iginiit ni Ombudsman Remulla na hindi political persecution ang naturang imbestigasyon. | Sa panulat ni Reianne Antiquina
