Mas maraming rehistradong botanteng Pilipino ang umaasang mahahatulang guilty si Vice President Sara Duterte kaysa mapawalang-sala sa kanyang impeachment trial.
Batay sa Publicus Asia—Pahayag Third-Quarter Survey, 44% ang naniniwalang mapatutunayan ang mga paratang laban sa Bise Presidente, habang 31% ang nagsasabing mapawawalang-sala si VP Sara.
Samantala, 25% ang hindi pa makapagpasya o walang masabi, at 11% ang naniniwalang maaaring matapos ang proseso nang walang pormal na hatol.
Isinagawa ang survey nitong October 1 hanggang 4 o bago binawi ng House prosecutors ang tatlo sa apat na impeachment charges nitong October 13. | Sa panulat ni Jordan Gutierrez
