SORRY O PERSONA NON GRATA?
Iginiit ni Senador Risa Hontiveros na hindi sapat ang pagpapatawag kay Chinese Ambassador Jing Quan kaugnay ng mga pahayag nito na madaling magwawagi ang China sakaling gumamit ito ng puwersa, at dapat hingin ng pamahalaan ng Pilipinas ang pormal na pagbawi sa mga sinabi at paghingi ng tawad mula sa Beijing.
Ayon sa Senador, lumampas na umano sa hangganan ang isang ambassador kung nagbabanta ito sa bansang kaniyang kinalalagyan. Kung hindi umano magbibigay ng pormal na paghingi ng tawad ang Beijing, dapat ideklarang persona non grata ang Chinese envoy.
Hinimok din ni Hontiveros ang pamahalaan na idulog ang naturang usapin sa Association of Southeast Asian Nations (ASEAN) at United Nations General Assembly, upang managot ang China sa mga pahayag nito at sa mga kilos nito sa karagatan ng Pilipinas.
