Natukoy na ng National Bureau of Investigation ang sampung persons-of-interest sa tangkang pagpupuslit ng droga mula Laos patungong Pilipinas.
Kaugnay ito ng 512 kilo ng hinihinalang shabu na tinatayang nagkakahalaga ng 3.1 million pesos sa isang private plane sa Laos.
Una rito, sinabi ng Philippine Drug Enforcement Agency (PDEA) na dalawang Pilipino ang natukoy nilang may kaugnayan sa kaso.
Kinilala sila bilang si alyas Fahad na naaresto at iniuugnay sa Davao-based drug syndicate, at si alyas Boyet, na umano’y nagpa-charter ng private jet ngunit nakalipad na patungong Hong Kong bago ang operasyon.
Samantala, hindi pa kinukumpirma ng NBI kung kabilang sina alyas Fahad at Boyet sa sampung indibidwal. | Sa panulat ni Reianne Antiquina
