Tumaas ang bilang ng kaso ng trafficking in persons sa mga transport hubs sa bansa simula noong 2023.
Ayon sa Inter-Agency Council Against Trafficking, maiuugnay ang pagtaas ng kaso sa irregular migration, o pagtawid sa international borders nang walang pormal na authorization.
Ayon kay IACAT Executive Director Hannah Lizette Manalili, sa kabila ng pina-igting na pagbabantay ng lokal na otoridad, dahil binubuo ang bansa ng iba’t ibang isla, mas nagiging bulnerable ito sa mga gumagamit ng entry at exit points.
Batay sa ulat, madalas na nagiging biktima ng human trafficking ang mga babae at mga kabataan na naghahanap ng trabaho at oportunidad sa labas ng bansa.
Gayunman, hindi pa anya maikukunsiderang nakaka-alarma ang kaso gayong mas mababa pa rin ito kumpara sa mga kasong may kaugnayan sa online sexual abuse o exploitation of children.
Samantala, tiniyak naman ni Manalili sa publiko na nananatili silang nakabantay para labanan at sugpuin ang anumang kaso ng human trafficking sa bansa.
