Bumaba ang bilang ng mga nagpakasal sa unang siyam na buwan ng 2025.
Ayon sa Philippine Statistics Authority, bumaba ng 30.5% sa 198,344 ang bilang ng mga rehistradong kasal mula sa dating 285,242 sa parehong panahon noong 2024.
Naitala sa Calabarzon ang pinakamataas na bilang ng registered marriage sa 30,846 na bumubuo sa 15.6% ng kabuuang bilang ng bansa.
Naitala naman ang 26.5% na pagbaba sa National Capital Region na may 26,776 recorded marriages.
Nailista naman sa Quezon City ang pinakamataas na bilang ng mga kasal sa NCR na may 10,252 o 38.3% ng kabuuang bilang ng rehiyon.
Sa mga lalawigan naman, naitala sa Cavite ang pinakamataas na bilang sa 8,589 na kasal, sumunod ang Batangas na may 7,510, at Pangasinan na may 7,201 marriages.
