Nagbabala ang pamahalaan sa mga magulang na bantayan ang online activities ng kanilang mga anak upang maiwasan ang online exploitation.
Ayon kay Anti-Trafficking in Persons Division chief ng PNP Women and Children Protection Center Colonel Lucrecio Rodrigueza Jr., hindi sapat na nasa loob lamang ng bahay ang mga bata dahil maaari pa rin silang mabiktima sa social media at iba pang online platforms.
Dahil dito, hinimok din ng opisyal ang mga paaralan, barangay at komunidad na makipagtulungan sa otoridad at agad i-report ang anumang kahina-hinalang aktibidad.
Aniya, maaaring tumawag sa WCPC hotline numbers upang magsumbong ukol sa mga kaso ng pang-aabuso sa mga kabataan.
