Bumaba ang bilang ng mga rehistradong kapanganakan o registered birth sa unang siyam na buwan ng 2025.
Ayon sa Philippine Statistics Authority, bumaba sa 907,362 o 8% ang bilang ng mga ipinanganak mula Enero hanggang Setyembre 2025 kumpara sa dating bilang na 985,916 sa parehong panahon noong 2024.
Naitala ang pinakamataas na bilang ng kapanganakan sa Calabarzon na may 137,240 na bumubuo sa 15.1% ng kabuuang tala sa bansa.
Nailista naman ang 6.9% na pagbaba sa National Capital Region na may 102,244 recorded births.
Sa loob naman ng Metro Manila, naitala ang pinakamataas na bilang ng mga ipinanganak sa 22,250, o 21.8% ng kabuuang bilang ng rehiyon.
Sa mga lalawigan naman, nailista sa Cavite ang pinakamataas na bilang ng mga naipanganak sa 36,785, sumunod ang Cebu na may 29,844, at Bulacan na may 29,537 registered births.
