Hindi na umaasa ang pamilyang Duterte na makakabalik pa sa bansa si dating Pangulong Rodrigo Duterte mula sa The Hague kung saan nakakulong ito habang naghihintay ng paglilitis kaugnay sa crimes against humanity ng International Criminal Court.
Ito’y ayon sa isang panayam ni Vice President Sara Duterte sa Iligan City.
Bukod pa rito, tanggap na rin anya ng kanyang ama na sa The Hague siya mamamatay.
Tumanggi ring magbigay ng pahayag ang pangalawang pangulo ukol sa isinasagawang confirmation of charges hearing laban sa kanyang ama.
Anya, hindi niya rin sinubaybayan ang mga naging pagdinig.
Samantala, pinasalamatan naman ng bise presidente ang defense team ng dating pangulo na pinangungunahan ni Atty. Nicholas Kaufman.
