Naniniwala si House Speaker Pantaleon Alvarez na mahina ang impeachment complaint na balak ihain ng Magnificent 7 laban sa walong (8) justices ng Korte Suprema na bumoto pabor sa quo warranto petition laban kay Chief Justice Maria Lourdes Sereno.
Ayon kay Alvarez, hindi impeachable offense ang pagkatig sa quo warranto ng walong justices ng Supreme Court.
Umakto lamang aniya ang mga justices batay sa kanilang kapangyarihan alinsunod sa konstitusyon at bahagi ng paggamit sa “separation of powers” ng hudikatura sa lehislatibo.
Iginiit din ni Alvarez na hindi naman nababastos o nasasagasaan ng Korte Suprema ang kapangyarihan ng Kongreso dahil ang quo warranto ay hiwalay na isyu sa impeachment complaint laban kay Sereno na nasa kamara.
