Natawa na lamang si Manila Third District Representative Joel Chua sa akusasyon ng mga ex-marines na naghatid umano ng male-maletang pera mula kay dating Ako Bicol party-list Representative Zaldy Co.
Napansin ni Congressman Chua, chairman ng House Committee on Good Government and Public Accountability, na karamihan sa mga pangalan na kasama sa sinasabing sinumpaang salaysay ay mga indibidwal na kabilang sa mga nag-aakusa kay dating Pangulong Rodrigo Duterte sa International Criminal Court; kabilang na ang ilang miyembro ng Quadcom noong 19th Congress at mga miyembro ng Makabayan bloc.
Inasahan naman ni Chua ang mga nasabing paratang, at lalo lang ito anyang lalala habang papalapit ang taong 2028.
Bagama’t may plano ang kanyang mga kapwa kongresista na magsampa ng kaso, ipinag-kibit-balikat na lamang ni Chua ang mga paratang.
