Nagbabala si Catholic Bishops Conference of the Philippines president Archbishop Gilbert Garcera sa nakikita niyang “moral fatigue” sa lipunan.
Sa homiliya ng misa nobenaryo bago ang ika-apatnapung anibersaryo ng 1986 EDSA People Power Revolution, sinabi ni Archbishop Garcera na bukod pa ito sa napapansin na “historical distortion,” lalo na sa mga nakaraang taon.
Dagdag pa ng arsobispo, lumalaki ang moral fatigue sa lipunan kung naaalala na lamang ang kalayaan bilang isang gunita; kung nagiging debosyon na walang katapangan ang pananampalataya; at kung walang hinahangad na katarungan ang kapayapaan.
Kaugnay nito, nanawagan din si Garcera sa mga mananampalatayang Katoliko na muling piliin ang pananampalatayang may tapang, kalayaang may responsibilidad, at kapayapaang nakasalig sa katarungan.
