Kumbinsido ang isang political analyst na mas hihina ang impeachment laban kay Vice President Sara Duterte ngayong taon kumpara noong nakaraang taon.
Kasunod ito ng maagang pag-aanunsyo ng bise presidente na siya’y tatakbo sa pagkapangulo sa darating na 2028 national elections.
Ayon kay Dr. Froilan Calilung ng U.S.T. Department of Political Science, posibleng umatras ang ilang mga kongresista sa pagsuporta sa impeachment laban kay V-P Sara, dahil sakaling manalo ito, malalagay sa alanganin ang kinabukasan ng ilang mambabatas sa mundo ng pulitika.
Samantala, binigyang-diin ni Dr. Calilung na hindi dapat magmadali ang mga oposisyon sa pag-aanunsyo ng kanilang mga ‘alas’ sa susunod na eleksyon lalo’t mas kinakailangan ng mga ito na makahanap ng mas malakas na lider, at makabuo ng alyansa na magpapatatag sa kanilang kampanya.
