Itinulak nina Presidential son at Ilocos Norte Representative Sandro Marcos at Presumptive House Speaker at Leyte Representative Ferdinand Martin Romualdez ang sim card registration bill sa kamara de representantes.
Sa ilalim ng panukala, ang lahat ng Public Telecommunications Entity (PTE) o kanilang authorized seller ay kailangang magpasagot ng form sa mga bibili o bibigyan nito ng sim card at hihingi ng valid identification card bilang patunay na totoo ang idineklara nitong impormasyon.
Kumpiyansa sila pati na rin sina tingog Party-List Representatives Yedda Marie Romualdez at Jude Acidre na makatutulong ang naturang panukala upang maharang ang mga indibidwal na mayroong masamang hangarin at makilala ang mga scammer na gumagamit ng sim card sa kanilang mga modus.
Anila, kung kakailanganing irehistro ang mga sim card ay mas magiging madali ang pagtukoy sa mga ito at maaaring mapatawan ng maparusahan.