Inihayag ng Prosecution na hindi nila isinasantabi ang posibilidad na ipatawag si Vice President Sara Duterte bilang testigo sa kanyang impeachment trial.
Ayon kay prosecution counsel Atty. Lorna Kapunan, maaari nilang hilingin sa impeachment court na humarap si Duterte kaugnay ng article of impeachment na may kinalaman sa umano’y pagbabanta laban kay Pangulong Ferdinand Marcos Jr. at sa kanyang pamilya.
Sinabi naman ni Senate President at presiding officer Francis “Chiz” Escudero na walang probisyon na nag-oobliga sa respondent na dumalo sa mga pagdinig. Aniya, didinggin ng impeachment court ang anumang mosyon ng Prosecution kapag ito ay pormal nang naihain.
