Target na maisama sa State of the Nation Address o SONA 2026 ni Pangulong Ferdinand Marcos Jr. ang anti-political dynasty bill.
Ito ang kinumpirma ni House Committee on Suffrage and Electoral Reforms chairperson Zia Alonto Adiong, na target maipasa ang panukala bago ang Lenten season.
Aniya, minamadali na ng Kamara na matapos ang nationwide public consultations hinggil sa mga panukalang anti-political dynasty upang agad itong maisabatas.
Inaasahan kasi na maipapasa ng Kamara at Senado ang naturang panukala sa darating na Marso bago iakyat sa executive branch para sa pinal na pag-apruba ni Pangulong Ferdinand Marcos Jr.
Ang anti-political dynasty bill ay bahagi ng LEDAC priority measures ng administrasyon ni Pangulong Marcos.
