Wala pang binubuong alyansa ang administrasyon ni Pangulong Ferdinand Marcos Junior para sa 2028 elections.
Ito ang naging pahayag ng Malakanyang matapos sabihin ni Senador Risa Hontiveros na hindi pa tiyak kung kakailanganin ng oposisyon ang pakikipag-alyansa sa kampo ng Pangulo upang harapin ang kandidatura ni Vice President Sara Duterte.
Giit ni Palace Press Officer Undersecretary Claire Castro, dahil malayo pa ang eleksyon, wala pang nagiging ganitong talakayan sa ngayon at mas mahalagang pagtuunan muna ng pansin ang kasalukuyang trabaho ng pamahalaan.
Kaugnay nito, binigyang-diin ni Usec. Castro ang pagkakaiba ng isang “politician” na iniisip na ang susunod na eleksyon, kumpara sa isang “statesman” na iniisip ang susunod na henerasyon.
