Naitala sa Dagupan City sa Pangasinan ang pinakamataas na heat index sa Pilipinas ngayong taon, na nasa 51 degree celsius.
Batay sa datos mula sa PAGASA, naganap ito noong alas-2 ng hapon ng Marso a-6.
Ikinokonsiderang ‘dangerous’ ng PAGASA ang heat index na maglalaro sa 42 hanggang 51 degree celsius.
Ang iba pang lugar sa Pilipinas na nakapagtala ng mataas na heat index ay ang mga sumusunod;
- Catbalogan sa Western Samar, na nakapagtala ng 46 degree celsius noong March 1
- Muñoz sa Nueva Ecija na nakapagtala ng 45 degree celsius noong March 8
- Zamboanga City na nakapagtala ng 43 degree celsius noong March 11
- at Cotabato City na nakapagtala ng 43 degree celsius noong March 11 din
Nagpaalala naman ang PAGASA sa publiko na manatili na lamang sa loob ng tahanan upang maiwasan ang mga sakit dulot ng init ng panahon. —sa panulat ni Abby Malanday