Sumailalim sa rhinoplasty ang aktres at content creator na si Awra Briguela.
Sa kanyang vlog, ibinahagi ni Awra ang kanyang rhinoplasty journey mula sa consultation, surgery, hanggang sa pagtanggal ng stitches at bandages.
Ayon sa dating child star, matagal na niyang gustong ipagawa ang kanyang ilong.
Sinuportahan naman si Awra ng kanyang fans at mga netizens, kung saan sinuggest ng isang fan ang pagpapagawa nito ng dibdib.
Tugon naman ni Awra: “Yes, step by step!”
Ibinasura ng Office of the City Prosecutor of Manila ang apela ng aktor at Quezon City Fifth District Councilor Alfred Vargas at kanyang asawa na si Yasmine Espiritu kaugnay sa kasong child abuse laban sa kapwa aktor na si Rob Sy at sa asawa nito.
Sa kabila nito, nanindigan si Alfred na hindi nila isusuko ang laban at iiaakyat nila sa Department of Justice (DOJ) ang kaso.
Inamin ng mag-asawa na nasaktan sila sa naging desisyon ng prosecutor dahil naniniwala sila na na-overlook ang kanilang ebidensya.
Kabilang sa mga ebidensyang isinumite ang psychiatric evaluation report ng kanilang anak kung saan na-diagnose ito na may adjustment disorder.
Nag-ugat ang kaso sa umano’y insidente ng pambu-bully sa kanilang anak sa isang swimming competition.
Samantala, wala pang inilalabas na bagong pahayag ang kampo nina Rob Sy at Juvelle Bacosa kaugnay sa planong pag-akyat ng kaso sa DOJ.
Pumanaw na ang Welsh power ballad singer na si Bonnie Tyler sa edad na 75.
Ayon sa pamilya ni Bonnie, na may tunay na pangalang Gaynor Sullivan, biglaan siyang namatay habang nasa isang ospital sa Portugal matapos siyang sumailalim sa emergency intestinal surgery noong Mayo.
Nakilala ang singer sa mga kanta niyang “Total Eclipse of the Heart” at “Holding Out for a Hero.”
Bukod sa mga chart-topper hits niya noong dekada otsenta, nakatanggap din siya ng karangalan, kabilang na ang Order of the British Empire, na ibinigay sa kanya ni yumaong Queen Elizabeth II ng Britanya.
Nanguna naman sa pagbibigay-pugay si outgoing British Prime Minister Keir Starmer, na inilarawan si Bonnie bilang isang “iconic figure” at isa sa mga pinaka-tanyag na British recording artist.
Nagsimula na ring mag-iwan ng bulaklak at bote ng alak ang mga fans ni Bonnie sa kanyang tahanan sa Swansea, Wales.
Kakaibang birthday gift ang natanggap ni Ringo Starr ng bandang The Beatles, matapos siyang regaluhan ng University of Liverpool sa United Kingdom ng honorary degree.
Nabatid na tinanggap ni Ringo, na nakilala bilang drummer ng naturang banda, ang kanyang Honorary Doctorate of Music sa isang pribadong seremonya bago ang taunang birthday party niya sa kanyang tahanan sa Los Angeles.
Ayon sa tambolero, isang malaking karangalan na mabigyan siya ng honorary degree dahil sa kanyang ambag sa musika.
Sa kanyang talumpati, inalala ni Ringo ang mga panahon na tinutulan pa ng kanyang mga magulang ang pangarap niyang maging drummer para sa isang banda.
Gayunman, nagpayong si “Dr. Starr” sa mga nagsipagtapos sa University of Liverpool na sundin ng mga ito ang kanilang mga pangarap sa buhay, gaano man ito kahirap.
Matatandaang isinapubliko ng The Beatles noong 2023 ang itinuturing na pinakahuli nitong kanta na “Now and Then,” kung saan tampok ang mga natitirang miyembro ng banda na sina Ringo Starr at Paul McCartney; habang inilagay naman sa music video ng kanta ang mga yumaong miyembro nito na sina John Lennon at George Harrison sa pamamagitan ng artificial intelligence. | Sa panulat ni Anjo Riñon
Inanunsyo na ng Metropolitan Manila Development Authority (MMDA) ang unang apat na entry para sa 2026 Metro Manila Film Festival sa darating na Pasko.
Kabilang dito ang “The Greatest Showdown” ng tambalang Vic Sotto at Vice Ganda; “Second Miracle in Cell Number 7,” na sequel ng 2019 Philippine adaptation ng South Korean Film na “Miracle in Cell Number 7,” na pagbibidahan ni Aga Mulach, Xia Vigor, at Bela Padilla; “Haunted Carnival,” kung saan bida sina Julia Barretto, James Reid, John Arcilla, at Maricel Soriano; at “Amir” na pagbibidahan ni Dennis Trillo.
Inaasahan namang papangalanan ng MMDA ang iba pang entry para sa MMFF ngayong taon.
Samantala, inanunsyo naman ni MMDA chairman Romando Artes na nakipagkasundo ito sa Cinema Exhibitors Association of the Philippines upang ipako sa P299 ang maximum ticket price ng mga MMFF entries sa mga pinilakang tabing. | mula sa panulat ni Anjo Riñon
Magsasanib-pwersa ang dalawang comedy icons ng Pilipinas sa iisang pelikula matapos ianunsyo nina Vic Sotto at Vice Ganda na magtambalan sila para sa comedy film ng Star Cinema at APT Entertainment na “The Greatest Showdown,” sa direksyon ni Jun Lana.
Ito rin ang pagbabalik-komedya nina Vic at Vice matpos nilang sumabak sa mga drama films na “The Kingdom,” “and The Breadwinner is…,” at “Call Me Mother.”
Aminado si Vic na masaya siyang matutupad ang dream project nila ni Vice dahil oportuidad ito upang mapanood sila ng mga “Dabarkads” at “madlang people” ng kani-kanilang mga noontime show.
Wala pang inaanunsyong release date ang “The Greatest Showdown,” ngunit ayon kina Vic at Vice, nakatakda itong ipalabas ngayong taon. | sa panulat ni Anjo Riñon
Duda ang ilang tourism stakeholder sa pagtatalaga ng Department of Tourism sa Ppop Group na Bini bilang isa sa dalawa nitong tourism ambassador.
Nabatid na pinangalanan ni acting tourism Secretary Bernadita Angara-Mathay ang naturang girl group matapos ang career highlight nito na makapagtanghal sa Coachella Music Festival sa Estados Unidos.
Wala pang sinasabi ang kagawaran kung sino ang ikalawang PPOP group na gagawin nitong tourism ambassador; ngunit marami rin ang nagsasabing posibleng pangalanan ang SB19 bilang ikalawang grupo.
Ayon sa ilan sa mga beterano sa industriya ng turismo, pumalya ang DOT sa kampanya nito sa amerikanong aktres na si Vanessa Hudgens matapos nitong mabigong maparami ang mga bumibisitang dayuhan sa bansa.
Giit pa ilan sa kanila, wala pa ang Bini sa lebel ng Kpop Superstar Boy Band na BTS, kaya baka mahirapan lang ang dot na mamuhunan sa kasikatan ng tinaguriang “nation’s girl group.” | sa panulat ni Anjo Riñon
Kasado na ang kasal nina superstar singer Taylor Swift at ang kanyang soon-to-be mister na si Travis Kelce.
Batay sa impormasyong ibinahagi ng mga otoridad sa The Associated Press, gaganapin ang kasalang Kelce-Swift sa Madison Square Garden sa New York City bukas ng umaga, oras sa Pilipinas.
Kasalukuyan namang nagaganap sa mga oras na ito ang isang rehearsal dinner para sa mga opisyal na bisita nina Taylor at Travis.
Nauna nang naging spekulasyon na magaganap ang kasalan sa pagitan ng singer at atleta sa Independence Day weekend sa Estados Unidos.
Maging si New York City Mayor Zohran Mamdani ay tikom ang bibig tungkol sa gaganaping kasalan, ngunit nagpasaring sa social media ng mga tips sa publiko kung paano manatiling presko sa kalagitnaan ng isang heat wave, lalo na aniya kung may magaganap na kasalan sa Madison Square Garden ngayong weekend.
Samantala, may ulat naman ang showbiz news outlet na Page Six na ikinasal na sina Taylor at Travis sa isang pribadong seremonya, at posibleng post-wedding celebration ang event sa naturang stadium sa New York. | Sa panulat ni Anjo Riñon
Ipinagpaliban ng P-pop girl group na BINI ang European leg ng kanilang “Signals” World Tour dahil sa “unforeseen circumstances.”
Bagaman hindi itinukoy ng management ng BINI, matatandaang nananalasa ang isang heat wave sa ilang bansa sa Europa, tulad sa France, kung saan mahigit isanlibong katao na ang namatay.
Dahil dito, humingi ng paumanhin ang naturang grupo sa mga “Blooms,” na bansag sa mga fan nito.
Dagdag pa ng BINI, nais pa rin nilang ituloy ang European leg ng kanilang world tour, at iaanunsyo nila ito sa lalong madaling panahon. | Sa panulat ni Anjo Riñon
Pinagbabayad ng Mandaluyong City Regional Trial Court Branch 279 ang dating Eat Bulaga host na si Andres Jose “Anjo” Yllana ng danyos matapos nitong magsalita laban sa TVJ Productions sa social media.
Matatandaang sinabi ni Yllana na may sindikato umano sa naturang noontime show, at inakusahan din niya si Senate President Pro Tempore Vicente “Tito” Sotto III na may kerida umano ito.
Ayon sa Mandaluyong RTC, pinagbabayad si Yllana ng kabuuang P3.5 million bilang danyos sa mga nasabi nitong pahayag laban sa TVJ at sa programa nitong Eat Bulaga.
Nagpasalamat ang TVJ sa naging desisyon ng Korte, at sinabi pa nitong nagsisilbi itong babala na hindi dapat gamitin ang social media upang wasakin ang karapatan ng ibang tao.
Samantala, may nakabinbin pang ibang kaso laban kay Yllana mula sa iba pang hosts ng Eat Bulaga, tulad ni Jose Manalo. | sa panulat ni Anjo Riñon