Sinampahan ng patumpatong na kaso ang driver ng isang bus makaraang mawalan ito ng preno sa southbound lane ng EDSA – Magallanes kahapon ng umaga.
Ayon kay Fruto Avila, driver ng Joyselle Bus, nawalan umano siya ng preno kaya’t nagpasya na siyang ibangga ang minamanehong bus sa waiting shed sa naturang lugar.
Kuwento ng ilang pasahero, mabilis ang pagpapatakbo ni Fruto sa kaniyang minamanehong bus paakyat ng Magallanes mula sa Ayala Underpass nang salpukin nito ang VTSC Bus na naghihintay ng pasahero gayundin ang isa pang kotseng Sedan.
Dahil dito, dalawampu ang naitalang sugatan sa insidente kabilang na ang mga driver ng VTSC at ng kotse gayundin ang mga kundoktor ng Joycelle at VTSC habang wasak naman ang unahang bahagi ng dalawang bus.