Uuwing milyonaryo ang isang mananaya mula Guiuan, Eastern Samar matapos tumama sa regular lotto 6/42.
Ayon kay Royina Garma, general manager ng Philippine Charity Sweepstakes Office (PCSO), natumbok ng hindi pinangalanang bettor ang winning combination na 13-42-03-31-02-22 at nanalo ng mahigit P20 milyon.
Nasa dalawampu’t limang mananaya naman ang nakakuha ng limang numero kaya’t makakatanggap ang mga ito ng P25,000 bawat isa.
Ang 6/42 regular lotto ay binobola tuwing Martes, Huwebes, at Sabado.
