Binalot ng makapal na putik at abo ang mga pananim sa Barangay Gulod sa bayan ng laurel sa lalawigan ng Batangas.
Bukod sa mga pananim, nabalutan din ng abo at putik ang kalsada sa nasabing bayan.
Sa bayan naman ng Agocillo, wala nang makikitang tao sa town proper maging sa municipal hall at tanging mga tauhan ng Department of Public Works and Highways (DPWH) ang nasa nasabing bayan para maglinis ng makakapal na abo at putik sa kalsada.
Mayroong kabayong nasawi sa Volcano Island sa Taal matapos matabunan ng abo.
Bukod ditto, may mga bahay ding halos bubungan na lamang ang nakikita dahil sa taas ng abong tumabon sa mga ito mula sa pagputok ng Bulkang Taal.
Ganito rin ang makikita sa Barangay Buso-Buso sa bayan ng Laurel.
Nasa halos 12-pulgada ang kapal ng putik na tumabon sa kalsada sa nasabing barangay kung saan bumagsak na rin ang mga bahay na luma at gawa sa light materials.