Patay ang 15 katao at halos sampu ang nasugatan nang mahulog ang sinasakyang truck ng mga ito sa isang bangin sa T’boli Gensan Shortcut Road sa boundary ng Barangay Lamsalome at Lambangan sa T’boli, South Cotabato.
Ayon sa mga otoridad, galing ng night swimming sa General Santos City ang mga biktima at papauwi na nang mangyari ang sakuna kaninang alas 8:00 ng umaga.
Kabilang sa mga nasawi at nasugatan sa aksidente ay may edad anim hanggang sampu.
Iniimbestigahan pa ng mga otoridad ang dahilan sa nasabing aksidente.
