Kinontra ng Department of Health ang assessment ng independent research group na OCTA sa Covid-19 situation sa bansa.
Ayon kay DOH Undersecretary Maria Rosario Vergeire, hindi pa humuhupa ang Covid surge dala ng Delta variant.
Taliwas ito sa pahayag ni OCTA Research Fellow Dr. Guido David na bumalik na ang bansa sa Covid-19 level nito bago ang Delta surge simula noong Hulyo.
Gayunman, nilinaw ni Vergeire na marami pa rin ang kaso ng Covid-19 at may iba pang lugar na may mataas na cases habang ang ilan ding ospital ay nananatili sa full capacity.
Dapat pa rin anyang mag-ingat at ipagpatuloy ang pagsunod sa safety protocols.
Magugunitang kinumpirma ng DOH ang unang kaso ng Delta variant sa bansa noong July 16 na kalauna’y naging dominant Covid-19 strain.