Ipapatawag ng Senate Blue Ribbon Committee sina Senador Alan Peter Cayetano at at nakababatang kapatid nito na si PTV-4 General Manager Lino Cayetano sa muling pagdinig kaugnay ng umano’y “ghost projects” sa Taguig.
Ayon kay Senador Erwin Tulfo, si Lino Cayetano mismo ang nanawagan na siyasatin ang flood control projects sa Taguig mula 2022 hanggang 2025 na umaabot sa mahigit anim na bilyon.
Maaari aniyang may nakita ang kapatid ni Senador Alan Cayetano na dahilan upang hilingin ang masusing pagsusuri sa mga proyekto.
Muling bubuksan ng Senate Blue Ribbon Committee ang imbestigasyon pagkatapos ng State of the Nation Address (SONA) ni Pangulong Ferdinand “Bongbong” Marcos Jr. sa Hulyo 27.
