Kinumpirma ng Philippine Eagle Foundation ang pagpanaw ni Sawaga-Dalwangan, ang Philippine eagle na iniligtas sa Bukidnon, habang sumasailalim sa rehabilitasyon sa Philippine Eagle Center.
Ayon sa PEF, bago ang pagpanaw ni Sawaga-Dalwangan, nagpakita pa ito ng magagandang senyales ng katulad ng paggaling ng mga sugat, pagbuti ng hydration, at gana sa pagkain.
Sa paunang pagsusuri, walang nakitang new external trauma o internal bleeding. Gayunman, napansin ng mga beterinaryo ang ilang abnormalities, kabilang ang thickened at unusually firm na puso, enlarged liver, at at labis na paglaki ng tiyan na naglalaman ng mga compacted prey fur.
Hindi pa tukoy ang tunay na dahilan ng pagpanaw ni Sawaga-Dalwangan at patuloy ang pagsusuri sa tissue samples mula sa kaniyang organs para sa microscopic examination at iba pang laboratory analysis.
