Nakatakdang ianunsyo ng Department of Trade and Industry (DTI) ngayong araw ang bagong suggested retail prices (SRP) ng Pinoy Tasty at Pinoy Pandesal.
Kinumpirma ng mga panadero kahapon na aprubado na ng DTI ang kanilang hirit na dagdag-presyo bunsod na rin ng pagtaas ng presyo ng mga ginagamit sa paggawa ng tinapay gaya ng harina, margarine at liquefied petroleum gas (LPG).
Epektibo ang price adjustment sa Pebrero a-1.
Sinabi ng Philippine Federation of Baker’s Association Inc., na kung magpapatuloy ang pagtaas ng presyo ng mga sangkap ng tinapay ay maaari pang masundan ang dagdag-presyo.