Nauwi sa habulan ang paninita ng mga MMDA enforcer kahapon sa mga motoristang iligal na dumaraan sa EDSA busway.
Ito’y matapos humarurot ang isang sinitang motorista na dumaan sa EDSA busway sa Mandaluyong.
Dahil dito, muntik nang makaladkad ang isang MMDA enforcer at huminto lamang ito nang habulin na ng iba pang enforcer.
Ayon sa MMDA,sa kabila ng paulit-ulit na paalala ng ahensya na ang busway ay para sa mga bus at otorisadong sasakyan lamang ay marami pa ring nahuhuling violator.
Sa katunayan anila, sa bahagi pa lamang ng Mandaluyong ay aabot na sa 20 motorista ang nasisita kada oras. – sa panunulat ni Maianne Dae Palma
