Pormal nang pinagtibay ng Department of Transportation (DOTr) ang pagpapalawig sa validity ng mga plaka ng sasakyan at driver’s license.
Ayon kay DOTr Secretary Arthur Tugade, mula sa dating tatlo ay ginawa nang limang taon ang validity ng mga plaka at lisensya.
Aniya, sa ngayon ay binabalangkas na ang implementing rules and regulations ng nasabing kautusan.
Samantala, siniguro ni Tugade na sa oras na maiayos na ang problema sa suplay ng plaka at mga plastic cards para sa mga lisensya ay wala nang lalabas na mga bagong kotse sa mga car dealership ng walang nakalagay na plate number.
By Rianne Briones
