Umarangkada na ngayong araw ang isa nanamang malakihang dagdag presyo sa mga produktong petrolyo.
Ayon sa Department of Energy, nasa P1.60 ang dagdag singil sa kada litro ng gasolina, P1.96 sa bawat litro ng diesel, habang P1.45 naman sa kada litro ng kerosene.
Una rito, sinabi ng isang industry player na nananatiling mahigpit ang suplay ng langis sa international market at posible pang ilipat sa ibang rehiyon ang suplay ng langis mula Asya dahil sa paghina ng produksyon sa Europa.
Sa kasalukuyan, sinabi rin ng DOE na katumbas na lamang ng 44.82 na araw ang kabuuang suplay ng langis sa bansa.
