Iginiit ng mga medical expert mula sa University of the Philippines (UP) na hindi sila nakikipagkompetensya sa paglalabas ng prediksyon sa bilang ng mga maaaring tamaan ng coronavirus disease 2019 (COVID-19).
Ayon kay UP researcher Prof. Ranjit Singh Rye, ang prediksyon nilang 40,000 na COVID-19 case sa bansa bago matapos ang Hunyo ay ibinatay lamang sa bilis ng pagtaas ng kaso ng sakit.
Ngunit wala aniyang halong kompetensya o pakikipagpalisahan sa pamahalaan.
Magugunitang sinabi ni Presidential Spokesperson Harry Roque na naipanalo ng bansa ang laban sa virus matapos na hindi pumalo sa 40,000 ang bilang ng may COVID-19 sa pagtatapos ng buwan ng Hunyo.
