Patay ang isang walong taong gulang na lalaki sa Barangay Rosario, Pasig City matapos bugbugin ng kaniyang Ina at Stepfather dahil sa pagpupuyat.
Ayon kay Resel Guevarra, Public Information Officer at Hepe ng Pasig City Police, isinugod pa sana sa ospital ang bata ng kaniyang 39-anyos na amain at 29-anyos na ina pero idineklara na itong patay.
Batay sa imbestigasyon, pinarusahan ng dalawa ang bata dahil hindi pa rin natutulog.
Pinag-squat nila ito ng maraming beses at nang hindi makayanan ay hinataw pa ng tsinelas.
Nagtamo ng pasa sa binti at braso ang bata.
Agad namang inamin ng dalawa ang krimen na nakakulong na sa Pasig City Custodial Facility at nahaharap sa kasong Homicide at Parricide na may kaugnayan sa Republic Act 7610 o Special Protection of Children Against Child Abuse, Exploitation and Discrimination Act.
