Kampante at handang makipagtulungan kung kakailanganin si Department Of Public Works And Highways (DPWH) Secretary Vince Dizon sa imbestigasyon ng National Bureau of Investigation (NBI) kaugnay ng umano’y anomalya sa mga proyektong may kaugnayan sa 2019 Southeast Asian Games (SEA) Games.
Iginiit ni Sec. Dizon na de-kalidad at world-class ang mga itinayong pasilidad para sa SEA Games na ginagamit pa rin ngayon ng mga atleta ng National Academy of Sports.
“Kung merong mga imbestigasyon, kampante rin tayo at magco-cooperate diyan kasi malinis ang konsensiya natin at naniniwala tayo na napakaayos ng mga facility na ‘yan at napakaayos ng pagkagawa,” dagdag pa niya.
Na-dismiss na aniya ang reklamo laban sa kaniya noong Disyembre 2021 dahil sa kawalan ng sapat na ebidensya.
