Itinanggi ni Philippine Charity Sweepstakes Office (PCSO) Board Member Sandra Cam ang akusasyong may kinalaman ang kanyang pamilya sa pagpatay sa isang vice mayor ng Masbate.
Ito ay matapos sabihin ng asawa ng biktima na si Batuan, Masbate Vice Mayor Charlie Yuson III na may kinalaman sa politika ang pagpatay sa kanyang asawa.
Gayundin, nakita aniya noon sa resort na pag-aari nila Cam sa Masbate ang mga gunmen na pumatay sa kanyang asawa.
Ayon kay Cam, hindi mamamatay tao ang kanyang pamilya at hindi niya rin kilala ang apat na suspect sa krimen na naaresto ng pulisya.
Magugunitang nakalaban ng anak ni Cam na si Martin ang anak naman ni Yuson na si Charmax Jan sa eleksyon sa pagka-alkalde noong Mayo.
