Siyam (9) pang mga miyembro ng Maute terror group ang nasawi matapos makabakbakan ng militar habang nagsasagawa ng clearing operations sa main battle area sa Marawi City.
Ayon kay Deputy Commander ng AFP Joint Task Force Ranao Col. Romeo Brawner, kabilang sa napatay ang isang Ibrahim Maute alyas Jamil na pinsan ng mga napatay na lider ng teroristang grupo na sina Omar at Abdullah.
Dagdag ni Brawner, halos buong araw naganap ang engkwentro noong linggo na nagsimula ng madaling araw at umabot hanggang hapon.
Narekober din sa clearing operations ang bangkay ng 8 Maute terror group sa Building 10 at apat na iba pa ang nakuha sa building C26 na malapit sa port area ng Marawi City.
Nagpapatuloy naman ang paghahanap ng miilitar sa ilang pang nagtatagong Maute sa main battle area.
(Ulat ni Jonathan Andal)
