Isa katao ang nasawi at mahigit 10 ang nasugatan sa pagsalpok ng isang pampasaherong jeep sa isang truck sa Zigzag road sa Barangay San Jose sa Rodriguez, Rizal.
Kinilala ang nasawi na si Estelita Sumulat na nagtamo ng matinding pinsala sa aksidente.
Ayon sa mga otoridad, nawalan ng kontrol sa manibela ang driver ng jeep habang binabagtas ang palusong na kalsada.
Dahil pababa, lumusot sa kabilang lane ang jeep at bumangga sa Elf truck.
Sakay naman ng jeep na galing sa Commonwealth Avenue ang mga nasugatan.
