Plano ng Department of Health na isama ang mga ospital ng mga lokal na pamahalaan sa zero-balance billing program.
Ayon kay Health Secretary Ted Herbosa, naglaan ang Senado ng 1 billion pesos na gagamitin bilang suporta sa zero-balance billing ng miga LGU hospital.
Hindi lamang mga ospital ng DOH ang makikinabang sa programa.
Dagdag pa ng kagawaran na kapag nailabas ang pondo, pipili ang DOH ng ilang karapat-dapat na LGU hospital na bibigyan ng pondo upang maipatupad din ang panuntunan ng zero-balance billing.
Batay sa datos ng DOH, umabot na sa 1 million 78 thousand 164 na pasyente ang nakinabang sa zero-balance billing program sa loob lamang ng apat na buwan matapos ang State of the Nation Address ni Pangulong Ferdinand Marcos Junior noong Hulyo.
Sa ilalim ng programa, wala nang babayarang anumang halaga ang pasyente para sa serbisyong medikal, kabilang ang mga medical procedure, professional fee ng doktor, at mga gamot.
