Mariing tinutulan ng grupong laban Transport Network Vehicle Service ang kautusan ng Land Transportation Franchising and Regulatory Board kaugnay ng pagpataw ng parusa sa mga driver na nagkakansela ng booking, dahil sa malaking epekto nito sa kanilang kabuhayan.
Sa panayam ng DWIZ, sinabi ni Ramir Mangila, kinatawan ng laban TNVS, na ipinatupad nang biglaan ang memorandum ng LTFRB nang walang malinaw na konsultasyon sa hanay ng mga TNVS driver.
Tiyak na maaapektuhan anya ang arawang kita ng mga driver, lalo na sa Pasko o holiday season.
Itinanggi rin ng TNVS na hindi sila basta-basta nagkakansela ng booking at may mga makatwirang dahilan tulad ng malalayong pick-up point, matinding trapiko, usapin sa kaligtasan sa ilang lugar, at sitwasyon kung saan maraming bagahe ang pasahero.
