Inamin ni Senador Gringo Honasan na nag-aagaw ang kalungkutan at excitement sa pagtakbo niya bilang Bise Presidente at running mate ni Vice President Jejomar Binay.
Paliwanag ni Honasan, alanganin siyang tanggapin ang nominasyon bilang Bise Presidente ng United Nationalist Alliance o UNA dahil sa naghahanda na aniya siya para sa kanyang pagreretiro sa 2019.
Dahil dito nahirapan aniya siyang magdesisyon lalo na ang magpaalam sa kanyang pamilya.
Gayunman, sinabi ni Honasan na excited siyang mabigyan pa ng isa pang huling pagkakataon para maglingkod sa bayan sakaling palaring manalo sa 2016 elections.
By Ralph Obina
