Sinampahan na ng kasong 2 counts of murder ang tatlong suspek sa pagpatay kay Police Senior Master Sergeant Diane Marie Mollenido at sa kanyang walong taong gulang na anak.
Ito’y matapos ang masusing imbestigasyon ng Quezon City Police District, kung saan kabilang sa kinasuhan ang mga kinilalang sina “Christian,” “Pia Katrina,” at “Gil.”
Ayon sa investigating prosecutor, mayroong prima facie evidence na may makatwirang katiyakan ng pagkakahatol laban sa mga akusado at walang inirekomendang piyansa.
Samantala, nilinis na sa anumang pananagutan si “Maribel” at ituturing na lamang bilang ordinaryong testigo sa kaso.
Ibinasura rin ang kaso laban kay Police Senior Master Sergeant John Mollenido matapos pagbigyan ng korte ang mosyon na alisin ang kanyang pangalan sa listahan ng mga respondent.
Tiniyak ng QCPD na patuloy nilang isusulong ang hustisya para kay PSMS Mollenido at sa kanyang anak na si John Ysmael at pananagutin ang mga responsable sa krimen.
