Itinuturing na security concern ng Philippine National Police o PNP ang pagdiriwang Valentine’s day o araw ng mga puso ngayong araw.
Kaya naman ipinag-utos ni PNP Chief P/Gen. Dionardo Carlos ang pagpapaigting ng Police visibility sa mga lugar na laging pinupuntahan sa araw na ito.
Ayon kay Carlos, may umiiral pa ring pandemiya ng COVID-19 kaya’t hindi dapat magpaka-kampante ang lahat at sundin pa rin ang health protocols.
Nais niyang maiwasan ang pagkakaroon ng mass gathering o malalaking pagtitipon na posibleng maging super spreader event kaya’t mahigpit nilang binabantayan ang galaw ng mga tao.
Payo naman ng PNP Chief, huwag makipag-kita sa mga hindi kakilala at huwag magdala ng anumang mamahaling gamit at malaking halaga ng pera upang hindi mabiktima ng mga kawatan. —ulat mula kay Jaymark Dagala (Patrol 9)
