Kinampihan ng Energy Regulatory Commission (ERC) ang mag-inang sinisingil ng Meralco ng mahigit P3-M at karagdagang surcharges.
Ito’y matapos mapag-alaman na gumawa ng ilegal na koneksyon ang kapit-bahay ng mag-inang kinilalang sina Emilia Chua at Carmie Yeung.
Ayon kay ERC chairperson Agnes Devanadera, naki-jumper ang katabing 3-storey building na may repair shop na inilagay nang walang pahintulot ni Jose Galang sa lupa ng mag-ina sa Tondo, Maynila.
Nagreklamo ang mag-ina sa Meralco matapos makatanggap ng demand letter.
Nilinaw naman ni Devanadera na hindi dapat singilin sa mag-inang Yeung at Chua ang naturang bill at tungkulin din ng Meralco na alamin ang estado ng kanilang mga customer.
Hindi rin anya tamang basta na lang maniningil ang isang public utility ng anumang halaga nang walang basehan.
