Kinumpirma ng tagapagsalita ni Senator Loren Legarda na kasalukuyan itong inaalagaan ng anak na si Batangas 1st District Rep. Leandro Leviste.
Ayon kay Atty. Tony La Viña, sumasailalim sa gamutan sa France ang senador dahil sa lung at autoimmune condition.
Tumanggi nang magbigay ng iba pang detalye si La Viña sa kondisyon ni Legarda pero matagal na anyang nararanasan ng senador ang nasabing kondisyon.
Nagsimulang mag-medical leave si Legarda noong Agosto 3 habang si Leviste ay napaulat na umalis din ng bansa isang araw matapos bumiyahe ang ina.
Samantala, naniniwala ang tagapagsalita ni Legarda na makaboboto ito sa impeachment trial dahil nanumpa at nakadalo naman sa unang bahagi ng mga proceedings bago umalis ng bansa.
