Nasabat ng Bureau of Customs at ng Department of Agriculture ang P30-m na halaga ng “smuggled” yellow onions na nasa container vans.
Nadiskubre ang nasa 100,000 kilo ng yellow onions noong Nobyembre a-29 na na-misdeclared bilang bread o pastries.
Ayon pa sa DA, hindi rin dumaan sa anuang Food Safety Regulations ang mga ini-smuggle na sibuyas.
Sinabi naman ni Agriculture Assistant Secretary James Layug na ang mga smuggled agriculture products ay maaaring magdulot ng panganib sa lokal na sektor ng Agri-fisheries dahil ang mga kargamento ay maaaring makapagdala ng transboundary disease.
Samantala, inirekomenda naman ng mga otoridad mula sa Agriculture Department ang pagsasampa ng kaso sa Bureau of Customs. —sa panulat ni Hannah Oledan