Naniniwala si samahang industriya ng agrikultura o Sinag chairman Rosendo So na walang kaugnayan ang supply ng imported onion sa pagbaba ng presyo ng lokal na pulang sibuyas sa merkado.
Ayon kay Ka Sendong, wala pa namang gaanong malaking volume ng imported na pulang sibuyas sa mga cold storage, lalo sa Central Luzon.
Sa katunayan anya, dapat may umiiral ng importation ban sa red onion bilang paghahanda sa nalalapit na harvest season, lalo’t inaasahan na ang pagbaba ng presyo pagsapit ng Marso dahil sa pagdami ng lokal na ani.
Samantala, posible ding bumaba ang presyo ng bigas, lalo ang retail price nito sa merkado, sa susunod na buwan dahil sa inaasahang volume ng aanihing palay ng mga lokal na magsasaka.
