Iwas-pusoy si Senador Juan Ponce Enrile sa iginiit ni Pangulong Benigno Aquino III na pulitika ang dahilan kaya isinusulong ang re-investigation sa Mamasapano incident.
Ayon sa tanggapan ni Enrile, hindi ito magkokomento sa naturang pahayag ng Punong Ehekutibo.
Sa kabila nito, pinawi naman ni Senadora Grace Poe ang pangamba ng ilan na baka gamitin lamang sa pamumulitika ang muling pagbubukas ng imbestigasyon sa Mamasapano massacre.
Giit ni Poe, Chairperson ng Senate Committee on Public Order, kailangang constructive ang mga tanong at kung magpe-personalan at magsusumbatan ay hindi nila ito papayagan.
By Jelbert Perdez
