Tiniyak ng Malakaniyang na hindi magkakalamat ang relasyon ng Pangulong Rodrigo Duterte at Majority Bloc ng Senado.
Sa kabila ito nang pagsusulong na maimbestigahan ang pagkamatay ni Kian Loyd Delos Santos sa anti drug operations ng Caloocan City Police.
Ayon kay Chief Presidential Legal Counsel Salvador Panelo kahit kailan ay hindi nakialam ang Pangulong Duterte sa usaping panloob ng Senado.
Sinabi ni Panelo na trabaho ng mga Senador na mag imbestiga para makabuo ng batas o ma amiyendahan ang isang batas na titiyak sa kaligtasan ng mamamayan.
By: Judith Larino / Aileen Taliping
SMW: RPE
