Inirerekomenda ng isang Vaccine Expert Panel na mabigyan ng ikalawang booster shot ang iba pang sector ng populasyon.
Ayon kay Dr. Nina Gloriani, dapat mabigyan ng pangalawang booster shot ang mga indibidwal na 60 taong gulang pababa at may mga comorbidity.
Aniya, hindi lamang ang mga immune-compromised individual ang pwede nang makatanggap ng 2nd booster shot.
Para sa ibang sektor na medyo nakababata ang edad at wala namang karamdaman, lumalabas na hindi pa masyadong mataas ang naibibigay na advantage o benepisyo sa kanila ng 2nd booster dose.
Aniya, kaya hindi sila kasama sa mga sektor na uunahing mabigyan ng ikalawang booster shot.