Aminado si PNP Chief Dir/Gen. Ronald Bato Dela Rosa na pagod na siya sa pagsagot ng mga tanong hinggil sa mga nangyayaring patayan kaugnay sa war on drugs ng pamahalaan.
Ayon sa PNP Chief, pabalik-balik na aniya ang mga tanong at paulit-ulit na rin ang kaniyang mga sagot na hindi state sponsored ang mga nangyayaring pagpatay.
Muling iginiit ng heneral na tanging sa sambayanang Pilipino lamang ang kaniyang paglilingkod at hindi kaninuman kaya’t hindi siya kailanman mababahala sa mga batikos na kanilang tinatanggap.
Sa halip na magpadala sa mga kritisismo, sinabi ng PNP Chief na kaniyang pagtutuunan na lamang ng pansin kung paano nila pag-iibayuhin ang kanilang trabaho.
By: Jaymark Dagala
